top of page

Tvíbanda vettlingaprjón með tveimur lettneskum fléttum. Mynstrið er óreglulegt og
breytist í hverri umferð, númerið í síðasta reitnum í hverri línu segir til um fjölda
lykkja í sama lit. Löng bönd myndast einungis á fáum stöðum, sem hægt er að festa í
þriðju hverri lykkju á bak við. Hafið mynsturlitinn nær ykkur.


Ég er ægilegur náttúrupési og finnst allt svo stórkostlegt sem er skapað án okkar
aðkomu. Norðurljós og eldgos eru með því magnaðasta sjónarspili sem náttúruöflin
bjóða uppá. Þar sem eldfjalla mynstrið er þegar orðið að veruleika var komið að því
að ég kæmi með eitt mynstur þar sem ég reyndi að ná þessum ákaflega fallegu,
litríku og fjölbreyttu hreyfingum í himinhvolfunum sem eru einkennandi fyrir Ísland.
Þetta var í fyrsta skiptið sem ég byrjaði á að lita garnið og kom uppskriftin svo í
kjölfarið þegar ég hafði fundið þann lit sem mér finnst fullkomin fyrir norðurljósin.
Núna er ég að ná í skottið á sjálfri mér í hönnun og litun eða litun og hönnun .


Góðar leiðbeiningar ásamt slóðum á skýringamyndbönd fylgja.

 

Stærð: Lengd 27 sm, ummál 19 sm.

Garn: Náttúruprjóns garn  (85% merino ull og 15% nælon), 100 g / 400 m eða sambærilegt til að                ná prjónfestu.

Aðalitur: Svartur, 40 gr.

Mynsturlitur: Áróra, 22 gr.

Prjónar: Sokkaprjónar nr. 3 og 3,5.

Prjónfesta: 32 lykkjur = 10 sm á prjóna nr 3,5.

Annað: Hjálparband til að merkja þumlalykkjur, 1 prjónamerki

 

Góðar leiðbeiningar fylgja, sem henta jafnt fyrir byrjendur og  lengra komna.

Norðurljósa - vettlingar

SKU: 42I
940krPrice
    bottom of page