top of page

Hefðbundnir tvíbandavettlingar með einlitu stroffi og lettneskri fléttu. Mynstrið er óreglulegt. Löng bönd myndast einungis á fáum stöðum, sem hægt er að festa í þriðju hverri lykkju á bak við. Hafið mynsturlitinn nær ykkur þegar þið prjónið, þá verður hann enn skýrari.
Mér hefur lengu fundist Eyrarrósin ákaflega falleg og lífleg í hinni íslensku flóru. Sérstök litasamsetning sem ég hef átt erfitt með að finna réttu litina í. Loksins tókst mér að búa til lit sem mér fannst hæfa þessu fallega blómi. Læt blómið liggja í fallegu mosabeði. Finnst dálítið áríðandi að ná viðkomandi jurtum í sínum réttu litum. Held reyndar að hvaða litir sem er henti þessu mynstri. Góðar leiðbeiningar ásamt slóðum á skýringamyndbönd fylgja.


Stærð: Lengd 27 sm, ummál 19 sm.

Garn: Náttúruprjónsgarn, 85 % merinóull og 15 % nælon, 100 g/400 m, eða sambærilegt til að ná prjónfestu.

Aðallitur: Mosagrænn, 38 g.

Mynsturlitur: Fjólbleikur, 24 g.

Prjónar: Sokkaprjónar nr. 3 og 3,5.

Prjónfesta: 32 lykkjur = 10 sm á prjóna nr. 3,5.

Annað: Hjálparband til að merkja þumlalykkjur, prjónamerki.

Eyrarrós vettlingar

SKU: 31I
940krPrice
    bottom of page